Документы о покупке Львом Сапегой Лососина и Ружан.

О подтверждении Григорием Войной, получения денег от Льва Сапеги за закладную Бартоша Бруханского на местечко Рожаная с 6 мельницами и дворцом Сидоровским с пашней и людьми в имении Лососинском

Страница 015r
	Я Грыгореи Грычынович Воина кашталіан Берестеи-
	скии сознаваю сим моим листом доброволною квитацы-
	ею иж што мене была заставила ее м-сть пани Ми-
	колаеваіа Іазловецкаіа з Бучача старостинаіа Сніа-
	тыньскаіа Сокалскаіа и Червоногородскаіа пани Але-
	ксандра Тишкевичовъна место Рожаную з ставами
	и з шестьма млынами и к тому з дворцом Сидоровским
	с пашнею того дворца з селы людьми и зо всими
	пожытками до именьіа своего Лососинского лежачого
	в повете Слонимском в двух тисечах и двадцати копахъ
	грошей литовских которое именье Лососина пра-
	вомъ вечным его м-сти пану Бартошу Бруханскому до-
	сталосе и которое право свое вечное и дедичное
	его м-сти панъ Бартошъ Бруханскии мене ку бранию
	пензеи на теперешние роки земские трыкролские
	Слонимские в року деветдесіaт осмом прыпалые
	прыпозвалъ о заставу а такъ іасне велможныи панъ
	его м-сть панъ Левъ Сапега канцлеръ Великого Кніаз-
	тва Литовъского маючы тое именье Лососиную
	зо всими фолварки з местом Рожаною и с земли вельможно-
	го пана Бартоша Бруханского тую суму пензеи две ти-
	сечы и двадцать копъ грошеи мне отдать рачыл што его
	м-сть квитую и тое заставы звыш м-сти уступил есми
	и право тое которое есми от пани Миколаевое
	Іазловецкое мелъ его м-сти оддал и на то есми его
	м-сти пану Лву Сапезе канцлеру Великого Кніаз-

Страница 015v
	тва Литовъского старосте Слонимскому Ретовско-
	му и Блуденъскому сесь мои лист квитацыиныи
	под моею печатю и с подписом власное руки моее
	писмом руским дал до которое сее моее квитацыи
	просил есми о прыложенье печатеи людеи цацных
	его м-сти пана Іана Девіалтовского воиского городен-
	ского а пана Миколаіа Іановича Зеленевского их м-сти
	на очевистую просбу мою вчынили печати свои
	прыложывшы и руки свои подписати рачыли до сего
	моего листу квитацыиного писан в Слониме
	року тисяча піатсот девіатдесіат осмого м-ца генва-
	ра девіатого дніа [*]

Выписка о подтверждении занесения в книги дел вечистых (имущественных) Слонимского повета получения Григорием Войной, каштеляном Берестейским денег от Льва Сапеги за закладную Бартоша Бруханского на местечко Рожаная с 6 мельницами и дворцом Сидоровским с пашней и людьми в имении Лососинском.

Страница 017r
	Выпис с книг справ вечистыхъ
	земскихъ Слонимскихъ
	[лета с] нароженіа Сына Божего тисеча піатсот деветь
	десіатъ осмого м-ца генвара десіатого дніа
	В роки судовыіа земскиіа Слонимские о трехъ кролехъ свіате рымъскомъ водлугъ
	порадку статутового зачатыхъ и судовне отправованыхъ перед нами Пет-
	ромъ Нарбутомъ судею Михаиломъ Юцыничом подсудкомъ и Данилемъ Хребто-
	вичом писаром врадниками судовыми земъскими повету Сло-
	нимского постановившиссе очевисто у суду его м-сти пан Грыгореи
	Гричинович Воина кашталіан Берестеискии при листе квитацыи
	своеи которую дат рачилъ велможному пану его м-сти пану Лву
	Сапезе канцлерови Великого Кніазства Литовского старосте Слоним-
	скому Ретовскому и Блудненскому вызнат то рачил ижъ што которое место
	Рожаную з млынами и кутомъ з дворцомъ Сидоровскимъ з людми и зовсими
	пожитками от еи м-сти пани Миколаевои Юзловецкое старостинои Сніатын-
	скои Сокалскои и Чирвоно городскои от панеи Александры Тишкевичовны заста-
	вою засталено было от именіа Лососинского лежачого в повете Слонискомъ
	а так и у его м-сть пан кацлер маючи тое именье Лососиную вечностю тоеи
	место Рожаную и дворец Сидоровскии з селми и зо всимъ на все выкупити всю
	тую суму пнзеи то естъ две тисеча копъ и двадцат копъ грошеи литовских
	отдат исполна заплатит рачил што все шире и достаточне на том листе кви-
	тацыи его м-сти пана Берестеиского описано и доложоно ест которым
	лист очевистого сознаньіа квитацыю свою его м-сть панъ кашталіанъ
	Берестеискии перед нами судомъ положивши просит рачил абы то до книг
	справ вечистыхъ земскихъ Слонимскихъ описано было а так мы судъ
	припустивши то ку ведомости своеи казали есмо тот лист квитацыю
	его м-сти пана кашталіана Берестеиского виничи вписати и вписуючи
	виничи так ее в собе маеть іа Григореи Гричинович Воина кашталіан Берестеи-
	скии сознаваю сим моим листом доброволною квитаціею иж што мне была
	заставила ее м-сть пани Миколаеваіа Юзловецкаіа з Бучача старости-
	наіа Сніатынъскаіа Сокалскаіа и Чирвоно городскаіа пани Александра Тиш-
	кевичовна место Рожаную з ставами и шестьма млынами и к тому
	з дворцомъ Сидоровскимъ с пашнею того дворца з селы людьми и зо въ-
	сими пожитками того именіа своего Лососинского лежачого в повете Сло-
	нимскомъ у двух тисечахъ и в двадцати копахъ грошеи литовскихъ кото-
	рое именье Лососина правомъ вечнымъ его м-сти пану Бартошу Бру-
	ханскому досталосе о которое право свое вечное и дедичное его м-сть

Страница 017v
	пан Бартошъ Брухански мене ку браню п-нзеи на теперешные роки земские [тры-]
	кролские Слонимские в року деветдесіат осмом припалые приповал о заставе
	а так іасне велможны пан его м-сть пан Левъ Сапега канцлер Великого Кніазства
	Литовского маючи тое именье Лососиную зо всими фолварки з местом Рожа-
	ною и селы вечностю от пана Бартоша Бруханского тую суму пнзеи две тисечи
	и двадцат копъ грошеи мне отдати рачил [т]ого его м-сти квитую и тое заста-
	вы звыше листи уступилъ есми [и] право тое которое есми от пани Ми-
	колаевое Іазловецкой мелъ его м-сти отдалъ и на то есми его м-сти пану
	Льву Сапезе канцлеру Великого Кніазства Литовского старосте Слонимскому
	Ретовскому и Блудено[?]скому сеи мои лист квитацыныи под моею печатию
	и с подписом власное руки моее писмомъ рускимъ дал до которое сее
	моее квитацыи просил есми о приложене печатеи людеи зацныхъ его
	м-сти пана Іана Девіалтовского воиского Городенского и пана Миколаіа
	Іановича Зеленевского их м-сти на очевистую просбу мою учинить
	печати свои приложивши и руки свои подписат рачили до сего моего листа
	квитацыиного писаного у Слониме року тисеча піатсотъ деветдесіат
	осмого м-ца генвара девіатого дніа у того листу квитацыи его м-сти
	пана кашталіана Берестеиского печатеи притисненыхъ тры а подпи-
	сы рук подписаных тыми словы Григореи Воина кашталіан Берестескии
	ренку власну Jan Dziewialtowskÿ woÿskÿ Grodzienskÿ reką swą Mikolaÿ
	Ziełieniewskÿ pre pieczieci reką swą которое тое очевистое созънане и [лист]
	квитацыи его м-сти пана Григоріа Гричиновского кашталіана Берестеи-
	ского до книг справ весистых земскихъ Слонимскихъ ест вписано с чого и сес выписъ
	с книгъ под нашими печатми и с подписом руки писарское іасневелможному
	пану его м-сти п-ну Лву Сапезе канцлерови Великого Кніазства Литовского
	старосте Слонимскому Ретовскому и Блуденскому ест выдан писан в Слониме

О подтверждении Шиманом Тивинским, получения денег от Льва Сапеги за закладную Бартоша Бруханского на села Воля Байковская, Байковичи, Воля Рожанская и Загаличи в имении Лососинском

Страница 036r
	Шыман Іанович Тивинскии воискии повету Волковыского вызнавам сим
	моим листом доброволною квитацеєю иж што мне была зостави-
	ла ее м-сть пани Миколаеваіа Іазловецкаіа з Бучача старостинаіа
	Синіатынскаіа Сокалскаіа и Чырвоно и гродскаіа пани Александра Тиш-
	кевичовна села свои меновите село Волю Баиковскую село Байкови-
	чы село Воліа Рожанскаіа село Загаличы [*] дванадцати сот копъ
	грошеи литовскихъ от именъіа своего Лососиньского лежачого в по-
	вете Слонимскомъ которое именъе Лососиную правом вечнымъ
	его м-сти пану Бартошу Бруханскому досталосе о котороє право
	свое есное и дедичное его м-сть пан Бартошь Бруханскии мене ку браню
	пенезеи на теперешние роки земские трекролскиє Слонимские в року
	деветь десет осмомъ прыпадаіе прыповал о заставу а такъ
	іасне вельможныи пан его м-сть панъ Левъ Сапега канцлерь Великого
	Кніазства Литовского маючы тое именъе Лососиную зо всими фол-
	варки и селы вечностыю от п-на Бартоша Бруханского тую дванад-
	цат сот копь грошеи м[*]не отдатъ рачыль [ц*]ого его м-сть квитую
	и право тое которое есми от пани Миколаевоє Іазловецкоє мелъ его
	м-сти отдала и на то есми его м-сти панъ Лев Сапезе канцлеру Ве-
	ликого Кніазьства Литоского старосте Слонимскому Ретовскому и Блу-
	недскому сеи мои листы квитацеиныи под моею печатю и подписомъ
	власное руки моее писмом полскимъ дал до которое сее моее квита-
	цыи просил есми о прыложенє печати людеи зацных его м-ть пана
	Іана Девіалтовского воиского Городенского и п-на Миколаіа Іаковича
	Зеленевъского и[х] м-сть на очевистую просбу мою учынили и печа-
	ти свои до сего моего листу квитацеиного прыложы рачыли писан
	в Слониме лета от нароженіа Сына Божого тисеча піатсот деветдесіат
	осмого м-ца гендвара девіатого дніа

Примечания