АКТЫ, ОТНОСЯЩИЕСЯ К ИСТОРИИ ЮЖНОЙ И ЗАПАДНОЙ РОССИИ, собранные и изданные АРХЕОГРАФИЧЕСКОЮ КОМИССІЕЮ Томъ Первый. 1361 - 1598  Санкт-Петербург В типографіи Эдуарда Праца 1863

{43}

1510, августа 27.

Изъ Лumoвскoй Метрики (Запис. кн. XXV, л. 66—67)

56. Жалованная подтвердительная грамота Польскаго короля Сигизмунда князю Семену Черторижскому на дворъ Лococинyю и село Бѣлавичи въ Слонимскомъ повѣтѣ.

Жикгимонтъ, Божъею милостью король Польскій, великій князь Литовскій, Рускій, Прускій, Жомоитскій, Мазовецкій и иныхъ. Чинимъ знаменито симъ нашимъ листомъ, хто на него посмотритъ, або чтучи его услышить, нинѣшнимъ и потомъ будучимъ, кому будетъ потребъ того вѣдати. Ижъ вбачивши есьмо вѣрную а справедливую и накладную и николи невмѣшканую службу къ брату нашому, щастное памети Александру королю и великому князю, его милости, и тежъ вжо къ намъ, яко къ паномъ его дѣдичнымъ, вельможного князя Семена Александровича Чорторыйского, намѣстника Каменецкого, и хотечи его охотнѣйшого и напотомъ поспѣшнѣйшого въ большихъ службахъ нашихъ и земскихъ вдѣлати, и пожаловали есьмо его, дали ему дворъ нашъ въ Слонимскомъ повѣтѣ на имя Лососиную, со всими тыми селы и людми, какъ великій князь Михайло Борисовичъ Тверскій и тотъ зрадца нашъ Василей Глиньскій держали, а село Бѣлявичи тежъ со всими людми; и били намъ чоломъ, абыхмо то ему потвердили нашимъ листомъ на вѣчность. Ино первей сего писали до насъ панове рада наша: князь Войтехъ, бискупъ Виленьскій, и воевода Виленьскій, канцлеръ нашъ, панъ Миколай Миколаевичь Радивиловича, и панъ Виленьскій, староста Берестейскій, князь Александро Юрьевичь, жедаючи насъ, абыхмо ему въ томъ ласку нашу вчинили, тую нашу данину ему потвердили; мы зъ ласки нашое, за его къ намъ вѣрную службу и нелютованья горла противъ непріятеля, и тежь на жеданье пановъ радъ нашихъ тотъ дворъ Лососиную ему есмо дали со всими селы, и село Бѣлавичи зъ людми тыхъ селъ и съ челедью неволною, и со всимъ съ тымъ, какъ великій князь Тверскій и тотъ зрадца нашъ Василей Глиньскій держали, и потвержаемъ то симъ нашимъ листомъ вѣчно и непорушно ему самому, и его жонѣ, и ихъ дѣтемъ; маеть онъ и его жона и ихъ дѣти тое имѣнье Лососиную держати со всими селы, людми, и службами данными и тяглыми, и слободичи, и клепачи, и зъ ихъ всими землями пашными и бортными, и зъ сѣножатми, зъ боры, и лѣсы, и зъ дубровами, зъ гаи, и зъ ловы звѣринными и пташьими, и съ озеры, зъ рѣками и зъ рѣчками, и зъ ставы {44} и ставищи, и зъ млыны и ихъ вымелки, и зъ бобровыми гоны, и зъ службами тыхъ верху писаныхъ селъ, зъ даньми грошовыми и медовыми, бобровыми и куничными, и зъ дяклы, и со всими иными поплаты и податьми и доходы, которымъ кольвекъ именемъ могуть назнаны або менены быти, и со всимъ съ тымъ, какъ тое имѣнье предки его держали и какъ ся тые села зъ стародавна у своихъ границахъ мають; и вольни они въ томъ вышеписанномъ имѣньи и въ тыхъ селѣхъ розширити, и прибавити, и людьми садити и къ своему вжиточному и лѣпшому обернути, какъ сами налѣпей розумѣючи. А на твердость того и печать нашу казали есьмо привѣсити къ сему нашому листу. При томъ были: маршалокъ нашъ, староста Дорогицкій, панъ Янъ Литаворъ Хребтовича; а маршалокъ и секретаръ нашъ, намѣстникъ Витебскій и Браславскій, панъ Иванъ Сопѣга; а бывшій староста Дорогицкій панъ Янъ Стецковичь; а писаръ, намѣстникъ Довкговскій, панъ Богушъ Боговитиновичь; а подскарбій нашъ дворный, намѣстникъ Веленскій, панъ Иванъ Андреевичь. Писанъ у Краковѣ, подъ лѣты Божъего Нароженья 1510, мѣсяца августа 27 дня, индикта 13. Sigismundus гех.

Изъ Лumoвскoй Метрики (Запис. кн. XXV, л. 66—67), хранящейся при Правительствующемъ Сенатѣ, въ С. Петербургѣ. Въ заглавіи акта отмѣчено: Потверженье короля, его милости, Жикгимонта князю Семену Александровичу Чарторійскому на дворъ Лососиную и село Бѣлявичы въ Слонимскомъ повѣтѣ, вѣчностью.