АКТЫ ОТНОСЯЩІЕСЯ КЪ ИСТОРІИ ЗАПАДНОЙ РОССІИ, СОБРАННЫЕ И ИЗДАННЫЕ АРХЕОГРАФИЧЕСКОЮ КОММИССІЕЮ ТОМЪ ПЕРВЫЙ. 1340-1506.   САНКТПЕТЕРБУРГЪ Въ Типографіи II Отдѣленія Собственной Е. И. В. Канцеляріи 1846

{365}

218. — 1505 Декабря 13. Жалованная Королевская грамота князю Василію Глинскому, на Лососинскую отчину, которая прежде отдана была Тверскому великому кня-зю Михаилу Борисовичу.

Самъ Александръ, Божьею милостью король Польскій, великій князь Литовскій. Во имя Божее, аминь. Чинимъ знаменито симъ нашимъ листомъ, хто на него посмотритъ, або чтучи его вслышитъ, нинѣшнимъ и напотомъ будучимъ, кому будетъ потреба того вѣдати: ижъ вбачивши вѣрную а знаменито накладную службу, отъ давныхъ лѣтъ, къ отцу нашому щастноѣ памети королю его милости Казимеру, и къ брату нашому доброѣ памети королю Олбрахту, въ иныхъ панствахъ, и тежъ по вси тые лѣта къ намъ, подстолего нашого, намѣстника Василишского князя Василья Львовича Глинского, ижь онъ завжды, зъ особливыхъ цнотъ своихъ, не былъ вмѣшканъ службъ нашихъ земскихъ противу непріятелей нашихъ, и всякою поволностью, накладомъ статковъ своихъ, не литуючи горла своего, охотнѣ то намъ заслуговалъ; мы, маючи взглядъ о заплатѣ працы его и хотѣчи тежъ напотомъ охотнѣйшого и пилнѣйшого его вчинити къ намъ, яко къ пану дѣдичному, зъ ласки нашое, за его вѣрную службу пожаловали есмо его, дали ему дворъ нашъ, въ Слонимскомъ повѣтѣ, на имя Лососиную, со всими того двора слугами путными и людми тяглыми, и со слободичи што на воли сѣдять, и съ данники, и съ куничники, и зъ лейти, и съ конокормцы, и со всими того двора и тыхъ людей землями пашными и бортными и сѣножатми, и съ бобровыми {366} гоны, и съ боры и лѣсы и дубровами и гаи и хворостники, и съ ляды и лядищы, и съ ставы и ставищы и рыбники, и съ млыны и ихъ вымелки, и съ озеры и зъ рѣками и зъ рѣчками и съ потоки и колодези, и зъ даньми грошовыми и медовыми и бобровыми и куничными, и со всякими иными поплатки, и службами, и доходы, которымъ-колве именемъ могутъ названы або мѣнены быти, и зъ ловы звѣриными и пташими, и со всимъ правомъ и панствомъ, ничого не оставляючи на насъ и на наши наслѣдки: бо дали есмо ему тотъ дворъ нашъ Лососиную со всимъ, по тому какъ держалъ князь Михайло Борисовичъ Тферскій. А што есмо придали были князю Михайлу Тферскому села Бѣлавичи а Гощово, то есмо тыми разы привернули зася къ Слониму, а князю Василью въ то ся не надобѣ вступати нижьли, кромѣ Бѣлавичъ а Гощова, которые приселки Слонимскіе будетъ прилучили къ тому двору нашому Лососиной и дали ихъ князю Михайлу Тферскому, ино князь Василей и съ тыми приселки тотъ дворъ Лососиную маетъ держати. А дали и даровали есмо, и тымъ-то листомъ нашимъ вѣчно записуемъ тотъ дворъ нашъ вышейписаный Лососиную князю Василью Львовичу и его кнегини, и ихъ дѣтемъ и напотомъ будучимъ ихъ счадкомъ, вѣчно и непорушно, со всимъ, по тому какъ вышей въ семъ листу нашомъ выписано: нижьли, естли намъ того двора будетъ потреба, ино мы маемъ князю Василью первѣй лѣпшое имѣнье дати, нижьли Лососиная, и давши ему лѣпшое имѣнье, тогды вжо маемъ у него тотъ дворъ взяти; а не давши, не маемъ его и кнегини и дѣтей ихъ съ того рушити. А на твердость того, и печать нашу казали есмо привѣсити къ сему нашому листу. Писанъ у Краковѣ, въ лѣто 7013, мѣсяца Декабря въ 13 день, индикта 8. — При томъ были: маршалокъ дворный, намѣстникъ Мерецкій и Утенскій князь Михайло Львовичъ Глинскій; а маршалокъ, охмистръ королевое, намѣстникъ Ковенскій панъ Войтѣхъ Яновичъ; а намѣстникъ Бѣлицкій князь Юрей Александровичъ.

Изъ Литовской Метрики (Запис. кн. VI, л. 305 об. — 306), хранящейся въ С.Петербургѣ, при Правителѣствующемъ Сенате. Въ заглавіи грамоты отмечено: Привилей князю Василью Львовичу Глинскому, на имѣнье Лососиную въ Слонимскомъ повѣтѣ. Имена и титулы раднихъ пановъ написаны сокращенно.